喺某種意義上嚟講，盜墓賊其實算係神通廣大，事關喺甚至文獻記載之下，佢哋都可以成功盜墓。理論上嚟講，盜墓賊見到有古墓自然就會入去探一探，之不過原來當佢哋發現古墓門前有柳樹，佢哋反而會放棄盜墓？今次阿史就同大家講一講啦！
盜墓呢項非法活動據考古研究表示，其實就係因為漢代之後興起厚葬之風，唔少皇權貴族都會將自己生前價值連城嘅寶物帶埋入墳墓當中，令到唔少人都想打呢啲寶物嘅主意。雖然盜墓睇落好似冇乜規矩，但其實當中係存在住「不挖民墳、義墳、近墳」以及「不毀屍體、不毀棺材、不毀墓穴」規矩。
而除此之外，盜墓賊見到一種古墓亦都唔會盜，就係有柳樹生長嘅古墓喇！古代墓穴相當講究風水，皇宮贵族陵墓前多數都會種植柏樹，喺古時亦都只有大富之家先種得起；至於普通人家就只能種植柳樹，亦都係因為呢點，盜墓賊一睇就知當中其實冇乜嘢可以偷到，直頭就會放棄盜墓，真係估佢唔到！
原圖嚟自網絡